Париж-2024: Елдос Сметов алғашқы белдесуінде жеңіске жетті
13:30, 27 Шілде 2024
ПАРИЖ. KAZINFORM – Елдос Сметов Олимпиада ойындарын сәтті бастады.
Алғашқы жарыс күнінде 60 келі салмақ дәрежесінде өнер көрсететін қазақстандық спортшы нидерландтық Торнике Тсакадоеаны жеңіп, екінші айналымға жолдама алды.
Айта кетейік, бұл – Елдостың үшінші Олимпиадасы.
Еске салсақ, бұған дейін нысана көздеуден Қазақстан командасы Париж Олимпиадасының іріктеу сынын сәтті бастады. Ислам Сәтпаев пен Александра Ле қола жүлдеге таласады.
Сондай-ақ Владислав Яковлев академиялық ескек есуден іріктеу кезеңінде сынға түсіп, мәре сызығын бесінші болып кесті.