ПАРИЖ. KAZINFORM – Парижде өтіп жатқан Олимпиада ойындарында дзюдошылар арасындағы бәсеке жалғасып жатыр. Бүгін 66 келі салмақта ел намысын Ғұсман Қырғызбаев қорғады.
Ол алғашқы айналымда испаниялық татами шебері Давид Гарсия Торнемен белдесіп, қарсыласын жарыс жолынан тайдырды.
Кеше 60 келі салмақта Елдос Сметов чемпион атанған еді.
Айта кетсек, қазақстандық спортшылар Олимпиада ойындарында спорттың 25 түрінен сынға түсуде. Еліміздің атынан 80 спортшы 92 жолдама жеңіп алған болатын. Ал жалпы Олимпиада ойындарында 32 спорт түрінен 329 медаль жиынтығы сарапқа салынады.
Олимпиада ойындары 11 тамызда мәресіне жетеді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.