ПАРИЖ. KAZINFORM — Әлемнің 1-ракеткасы, поляк теннисшісі Ига Швентек Олимпиада ойындарында матчтан кейін сұхбат бергенде, көз жасын жасыра алмады.
И.Швентек жартылай финалда күтпеген жерден әлемнің 7-ракеткасы, қытайлық Чжэн Циньвэньге есе жіберді.
Жарыстың басты фавориттерінің бірі болып есептелген Ига Швентек топырақ төсеніштеріндегі Ролан Гаррос корттарында 2021 жылдан бері ұтылмаған еді. Енді ол тек қола жүлде үшін ғана таласады.
Қытайлық теннисші Игамен жетінші кездесуінде ғана жеңіске жетті.
Олимпиаданың теннис турнирі 4 тамызда мәресіне жетеді.
Еске сала кетейік, бұдан бұрын Парижде қытайлық теннисшінің әлемнің 1-ракеткасын жеңіп, сенсация жасағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).