ПАРИЖ. KAZINFORM – Париж Олимпиадасында шпагамен семсерлесуден ел намысын қорғаған Руслан Құрбанов ширек финалда жапониялық қарсыласына жол беріп қойды.
Нақтырақ айтсақ, шпагамен семсерлесу бәсекесінің ширек финалында қазақстандық семсерлесуші Руслан Курбанов жапониялық Кано Кокимен сынға түскен болатын. Үш кезеңнің нәтижесі бойынша Руслан Құрбанов 6:15 есебімен қарсыласына жол берді.
Жапониялық семсерлесуші Кано Коки 2021 жылғы Токио Олимпиадасында командалық бәсекеде жеңімпаз атанған тәжірибелі спортшылардың бірі.
Айта кетейік, осыған дейін отандасымыз франциялық Ромен Каннонмен шеберлік байқасып, үш кезеңнің қорытындысы бойынша қарсыласын 15:10 есебімен жеңген болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.