ПАРИЖ. KAZINFORM – Париж Олимпиадасында шпагамен семсерлесуден жерлесіміз Эльмир Әлімжанов 1/4 финалға шыға алмады.
Нақтырақ айтсақ, шпагамен семсерлесу сайысының 1/8 финалдық кезеңінде отандасымыз италиялық Федерико Висмарамен кездесіп, қарсыласынан ұтылып қалды.
Айта кетейік, қазақстандық семсерлесуші Руслан Курбанов 1/8 финалдық кезеңде Олимпиада чемпионын қапыда қалдырып, ширек финалға жолдама алған болатын.
Шпагамен семсерлесу бәсекесінің жекелей сынында өнер көрсеткен қазақстандық семсерлесуші Вадим Шарлаимов 1/16 финалдық кезеңінде жеңіліс тауып, жарыс жолынан шығып қалған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.