АСТАНА. KAZINFORM - Париж Олимпиадасында қазақстандық боксшы Нұрбек Оралбайдың (80 келі) финалдағы қарсыласы анықталды.
Қазақстандық боксшы финалда украиналық Александр Хижнякпен қолғап түйістіреді. Қарсыласы Токио Олимпиадасында күміс жүлдегер атанса, 2017 жылы әдем чемпионатында топ жарған.
Еуропа чемпионы атағын бірнеше мәрте жеңіп алған.
Нұрбек Оралбай жартылай финалда Доминикан Республикасынан келген былғары қолғап шебері Кристиан Хавьер Пиналесті 3:2 есебімен жеңді.
Нұрбек осыған дейін әзербайжандық Мурад Аллахвердиев, аустралиялық Каллум Питерстен басым түскен еді.
Сондай-ақ, Нариман Құрбанов Париж Олимпиадасында спорттық гимнастиканың ат снарядындағы жаттығуда күміс жүлдеге қол жеткізді.
Отандасымыз ақтық сында 15.443 ұпай алды. Осылайша, Нариман елімізге спорттық гимнастикадан Олимпиаданың алғашқы медалін сыйлады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.