Парижде Олимпиада-2024 қарсаңында триатлоннан жарыс өтті

БРЮССЕЛЬ. ҚазАқпарат – Бүгін Париждегі Сена өзенінде триатлоннан жарыс басталды. Бұл іс-шара келесі жылы Францияда өтетін 33-ші Олимпиада ойындарына дайындық аясында ұйымдастырылды, деп хабарлайды ҚазАқпарат меншікті тілшісі.

Бейсенбіден жексенбіге дейін триатлоншылар мен пара-триатлоншылар Париждің қақ ортасында Александр III көпірінде жүзіп, Франция астанасының орталық аудандарында, соның ішінде Елисей алаңдарында велосипед тебеді және жүгіреді.
Триатлоннан жарыс бағдарламасына мыналар кіреді: 1,5 км жүзу, 40 км велосипед жарысы және 10 км қашықтыққа жүгіру.
Сонымен қатар, Сена өзеніндегі судың сапасы ұйымдастырушылар мен жұртшылықтың назарын аударып отыр, онда ағымдағы жүзу жарыстарының бір бөлігі, ал келесі жылы Олимпиада ойындары өтеді.
Бірқатар БАҚ судың сапасы қажетті нормаларға сәйкес келмеуі мүмкін деп санайды. Нөсер жаңбыр қауіп төндіріп тұр, бұл Париж кәріз жүйесінің толып кетуіне және оның өзенге төгілуіне әкеледі, салдарынан қауіпті бактериялар суды ластауы мүмкін.
Сенада шомылуға 1923 жылдан бастап тыйым салынған. 1990 жылы Париж қаласының мэрі, кейінірек Франция президенті болған Жак Ширак өзенді шомылуға қауіпсіз етуге уәде берді.
Қазіргі уақытта Франция билігі оны Олимпиада ойындарына дайындау үшін Сенадағы судың сапасын жақсарту шаралар кешенін қабылдауда.