Павлодар мұнай-химиялық зауытының әкімшілігі балаларға сыйлыққа 3 миллион теңге бөлді
09:31, 30 Желтоқсан 2009
ПАВЛОДАР. Желтоқсанның 30-ы. ҚазАқпарат /Вера Ливинцова/ - Павлодар мұнай-химиялық зауытының әкімшілігі балалардың тәтті сыйлықтары мен демалыстарына 3 миллион теңге бөлді,
деп хабарлады кәсіпорынның баспасөз қызметінен.
Мереке қарсаңында зауыттың барлық жұмысшыларының балалары шыршалар мен би кештеріне шақыру билеттерін алды. Олар А.Чехов атындағы театр мен Ж.Аймауытов атындағы қазақ музыкалық-драма театрында болатын жаңажылдық қойылымдарға барады. Ал жоғары сынып оқушылары үшін «Баянауыл» мәдени - ойын-сауық орталығына билеттер алынды.
Зауыт жұмысшыларының балаларымен қоса, зауыттың қамқорлығындағы Пенчан мектеп-интернатының тәрбиеленушілері де тәтті сыйлықтар алып отыр.