Павлодар облысында 3 жасар қыздың өліміне әкесіне күдік келтіріліп отыр

ПАВЛОДАР. KAZINFORM – Медицина мамандарының хабарлауынша, сәби ауруханаға бассүйегінің ауыр жарақатымен түсіп, артынан көз жұмған.

Павлодар облыстық денсаулық сақтау басқармасының хабарлауынша, 3 жасар қыз ауруханаға ауыр жағдайда түскен. Дәрігерлер тексере келе оның басынан, денесінен ауыр жарақаттар алғанын анықтаған. Оған жүргізілген реанимациялық шаралар нәтиже бермеген, сөйтіп сәби алған жарақаттарынан көз жұмды.

-Аталған қылмысты жасауы мүмкін күдікті ретінде оның әкесі ұсталып, сот санкциясымен қамауға алынды. Оқиғаның мән-жайы тергеу барысында анықталады,-деп хабарлады Павлодар облыстық полиция департаментінен.

Осыған дейін Павлодар облысында онкологиямен ауыратындар саны азайып келе жатқаны туралы жаздық.