Былтыр Павлодар облысында ақылы мемлекеттік тіркеу нөмірлеріне жұмсалған шығындар шамамен 35 пайызға өскен.
Ең қымбат көлік нөмірлерінің қатарында 001-ден 009-ға дейінгі сандар, сондай-ақ бірдей сандар мен әріптері біркелкі тіркеу белгілері бар.
Көлік иелері VIP нөмірлерін сатып алуға жалпы сомасы 324 миллион теңге жұмсаған.
- Мемлекеттік тіркеу белгісінің құны жыл сайын өзгеріп отыратын АЕК мөлшеріне байланысты. Бүгінгі таңда ең қымбат «әдемі» нөмір шамамен 1,2 миллион теңге тұрады, - дейді «Азаматтарға арналған үкімет» мемлекеттік мекемесі» өңірлік филиалының басшысы Асылбек Сапарбек.