Павлодар облысында екі қабатты көппәтерлі тұрғын үй отқа оранды
07:38, 16 Қазан 2013
АСТАНА. 16 қазан. ҚазАқпарат - Павлодар облысы Екібастұз қаласы Строительная көшесіндегі екі қабатты тұрғын үйден өрт шықты.
Өрт жарты сағаттың ішінде ауыздықталды. Оны сөндіруге ҚР ТЖМ Павлодар облысы ТЖД өрт сөндіру қызметінің 2 техникасы мен жеке құрамының алты адамы тартылды. Жалын шарпыған аумақ 16 шаршы метрді құрады. Оқиға орнынан иіс тиген 2009 жылы туған бала табылып ауруханаға жеткізілді. Алайда ол көп ұзамай көз жұмды.