Павлодар облысында сауда орындарынан контрафактілік DVD-өнімдер алынды

ПАВЛОДАР. 6 наурыз. ҚазАқпарат - Павлодар облысында «Контрафакт» жедел-алдын алу іс-шарасы барысында лицензияланбаған өнімдерді таратумен байланысты 24 қылмыс анықталды, деп хабарлады ІІД-нің баспасөз қызметінен.

Контрафактілік бағдарламалар, музыкалар мен кинофильмдер бар барлығы 366 флэшкарта мен лазерлік дискілер тәркіленді.

Екібастұзда «Жібек жолы» базарының маңында екінші қайтара сатып алу кезінде контрафактілік DVD-дискілерді сауда орындарына таратушы ұсталды.

Ертіс аудан орталығында DVD-дискілерді сатумен ауыл тұрғыны айналысып келген.

Полицейлер сондай-ақ порнографиялық материалдарды сатудың екі фактісін және Ғаламтор желісіндегі заңсыз онлайн-кинотеатрды анықтады.