Павлодар облысында жарылған мұздан 8 балықшы құтқарылды
20:45, 16 Сәуір 2017
АСТАНА. ҚазАқпарат - Павлодар облысындағы су қоймасының жағалауынан ажырап кеткен мұзда 8 балықшы қалып қойған, деп хабарлайды ҚазАқпарат.
ҚР Ішкі істер министрлігінің Төтенше жағдайлар комитетінің ресми өкілі Руслан Иманқұловтың айтуынша, 16 сәуір күні сағат 09-50 минутта Екібастұз ауданының «Шандақсор» су қоймасында мұздың жарылуының салдарынан 8 балықшы жағалаудан жырақта қалып қойған.
Павлодар облыстық жедел-құтқару қызметі өкілдерінің жедел әрекеттерінің арқасында балықшылар құтқарылып, олар осы уақытта қауіпсіз аймаққа жеткізілді.