Павлодар облысындағы экономикалық белсенді халықтың саны біраз өскен - статистика

ПАВЛОДАР. Шілденің 13-і. ҚазАқпарат /Николай Кузнецов/ - Павлодар облысындағы экономикалық белсенді халықтың саны бірінші тоқсанда 432,5 мың адамды құраған. Бұл 2009 жылдың осы кезеңімен салыстырғанда 0,9 пайызға артық, деп хабарлайды статистика департаменітінің баспасөз қызметі. Олардың ішінде қалалықтар - 61,5 пайызды, ауыл адамдары 38,5 пайызды құраған.

Экономика саласында 405,9 мың адам жұмыс істейді, бұл көрсеткіштің 61,1 пайызын қала тұрғындары құраса, 38,9 пайызын ауылдықтар алады.

Халықтың еңбекпен қамтылу құрылымында 76,5 пайызды жалдамалы жұмысшылар құрайды. Олардың 79,9 пайызы мемлекеттік және мемлекеттік емес органдарда жұмыс істесе, 17,6 пайызы жеке адамдарға жалданған, 2,5 пайыз адам шаруа қожалықтарында жұмыс істеген. Гендерлік аспект жағынан алып қарасақ, бұлардың 50,9 пайызы ерлер, 49,1 пайызы әйел адамдар.

Жұмыссыздық деңгейі - 6,2 пайыз, бұл 2009 жылдың бірінші тоқсанымен салыстырғанда 0,4 пайызға кем. Қалалықтар арасындағы жұмыссыздықтың деңгейі - 6,8 пайыз, ауыл адамдары арасында - 5,1 пайыз.

Экономикалық белсенді емес халықтың 44,6 пайызын зейнеткерлер құрайды, күндізгі оқу бөлімінің қатысушылары - 41,7 пайызға ие.