І с-шараның ашылу рәсімінде Ербол Мырзабосынов Мемлекет басшысының бұқаралық спортты дамытуға және саламатты өмір салтын қалыптастыруға ерекше мән беретінін атап өтті.
Оның айтуынша, Президенттік тесттер азаматтардың дене даярлығы деңгейін бағалап, тұрғындарды спортпен тұрақты түрде айналысуға ынталандыратын маңызды жоба.
-Бүгін еліміздің барлық өңірінен келген қатысушылар бас қосып отыр. Әрқайсыңыз өз өңіріңізде спорт пен белсенді өмір салтын насихаттауға үлес қосып жүрсіздер. Президенттік тесттер – спорттық жарыстан бөлек, адамдардың денсаулығын нығайту, жігерді шыңдау және бұқаралық спортты дамыту идеясы төңірегіне біріктіретін маңызды бастама, – деді министр.
Президенттік тесттер 29-30 маусым күндері республикалық спорттық-бұқаралық іс-шаралардың бірыңғай күнтізбелік жоспарына сәйкес Жеңіл атлетика спорт кешенінде өтіп жатыр.
Жарысқа еліміздің барлық өңірінен келген өкілдер қатысып жатыр. Бағдарлама аясында қатысушылар кермеге тартылу, ұзындыққа секіру, қысқа қашықтыққа жүгіру және төзімділікке жүгіру бойынша нормативтерді орындайды.
Президенттік тесттер – халықтың дене даярлығы деңгейін бағалауға арналған негізгі іс-шаралардың бірі. Ол азаматтардың денсаулығын нығайтуға, саламатты өмір салтын кеңінен насихаттауға және Қазақстанда бұқаралық спортты одан әрі дамытуға бағытталған.
Айта кетейік, БАҚ қызметкерлері күніне орай 9 спорт журналисіне «Ақпарат саласының үздігі» төсбелгісі берілді.