Павлодарда 130 грамм героинмен есірткі сатушы ұсталды
08:51, 24 Желтоқсан 2009
ПАВЛОДАР. Желтоқсанның 24-і. ҚазАқпарат /Вера Ливинцова/ - Павлодарда аймақтағы негізгі есірткі сатушылардың бірі, бұрын төрт рет сотталған, ұйымдасқан қылмыстық топтың белсенді мүшесі ұсталды, деп хабарлады облыстық ішкі істер департаментінің баспасөз қызметінен.
Есірткі бизнесімен күрес жөніндегі басқарманың қызметкерлері арнайы жедел шараның барысында есірткі саудагерін қонақүй бөлмесінде ұстады. Оның тонының қалтасынан 130 грамдай героин салынған түйіншек табылды.
Полиция ҚР қылмыстық кодексінің 259-шы бабы 3-ші тармағы бойынша - сату мақсатында есірткі заттарын заңсыз сақтау факті бойынша - қылмыстық іс қозғады. Күдікті абақтыға жабылды.