Павлодарда асфальт опырылып, 4 жасар бала шұңқырға құлап кетті

АСТАНА. ҚазАқпарат - Павлодар-онлайн порталының хабарлауынша, бүгін сағат 11-00-дер шамасында Павлодарда 58 жастағы әйел мен 4 жасар бала жолдың бойындағы шұңқырға құлап кеткен.

Лермонтов және 1 мамыр көшелерінің қиылысындағы асфальт құлап, үлкен шұңқыр пайда болған екен.

Қалалық денсаулық сақтау басқармасының хабарлауынша, бала мен әйел адам облыстық балалар ауруханасына жөнелтілген. Баланың қандай жарақат алғаны әлі белгісіз.

Оқиға орнына полиция келіп, жаяу жүргіншілер мен көліктің қозғалысын шектеген.