ПАВЛОДАР. ҚазАқпарат – Павлодарда соққан күшті жел мен нөсерден 41 ағаштың құлау жағдайы тіркелді, деп хабарлайды ҚазАқпарат тілшісі.
«Тұрғын үй-коммуналдық шаруашылығы бөлімінің ақпараты бойынша Павлодар қаласында күн райының қолайсыздығынан 41 ағаш құлау жағдайы тіркелді. 14 мекенжай бойынша құлаған ағаштар кесіліп, шығарылды», - деп мәлім етті әкімдіктен.
Бұған дейін хабарланғанындай 7 шілде күні Павлодарда нөсер жауын мен қатты желден көшелер мен көпқабатты тұрғын үй аулаларын су басып, электр жарығы сөніп қалған болатын.
Бүгін Павлодар облысы ТЖД күштері мен құралдары жаңбыр суын сору жұмыстарын жүргізіп жатқаны хабарланды.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.