Павлодарда ер адам биіктен құлап мерт болды

ПАВЛОДАР. KAZINFORM - Оқиға бойынша полиция қылмыстық іс қозғап, сотқа дейінгі тергеу-тексеру шаралары жүргізіліп жатыр.

Павлодар қаласының Малайсары батыр көшесіндегі көпқабаттың үйдің ауласынан ер адамның денесі табылды. Жедел жәрдем оның бойында ешбір тіршілік белгілері жоқ екенін анықтаған.

- Ер адамның жасы 30-да. Алдын ала болжам бойынша, ол биіктен құлаған. Өмірмен үйлеспейтін жарақат алып, қайтыс болған, – деп хабарлады облыстық жедел жәрдем стансасының баспасөз қызметінен.

Аталған мекенжайда орналасқан тұрғын үй 12 қабаттан тұрады.

Полиция департаменті аталған оқиға бойынша сотқа дейінгі тексеруді бастады. Оқиғаның мән-жайы мен себебі анықталып жатыр.

Еске сала кетейік, Павлодарда бесінші қабаттан 2 жасар бала құлап кетті.