Павлодарда «Мен - патриотпын!» атты байқау-викторинасы аяқталды
09:12, 26 Қаңтар 2013
ПАВЛОДАР. 26 қаңтар. ҚазАқпарат - Павлодарда облыстың 75 жылдығына арналған «Мен - патриотпын!» атты байқау аяқталды, деп хабарлады білім бөлімінің Жұмыспен қамту және балалар шығармашылығы орталығынан.
Викторинаның бес кезеңіне қаланың барлық мектеп командалары қатысты. Финал білімпаздардың - туған өлкені зерттеген ең білімді оқушылардың зияткерлік сайысына айналды.
Байқауға қатысушылар павлодарлық Ертіс аймағы тарихын жақсы білетіндерін танытты, олар облыста өткен жылы болған барлық ірі оқиғалар мен аймақтың дамуына зор үлес қосқан танымал жерлестері туралы айтып берді. Нәтижесінде «Мен - патриотпын» атағын № 9 мектеп оқушысы Әделия Мақашева жеңіп алды, жүлдегерлер арасында Салтанат Жарылғасынова мен Айгерім Зейнолла болды.