Павлодар облысы әкімінің орынбасары Асайын Байханов Instagram парақшасында Павлодарда өткен ауылшаруашылық жәрмеңкесінің қорытындысын жариялады.
- Жәрмеңкеге Павлодар облысының 51 тауар өндіруші, қайта өңдеуші кәсіпорындары қатысты. Сиырдың - 25 тұтас еті, жылқының - 20 тұтас еті, қойдың - 20 тұтас еті, шошқаның - 5 тұтас еті, құс еті - 2,5 тонна, балық - 2 тонна, жұмыртқа - 72 мың дана, шұжық өнімі - 3,5 тонна, өсімдік майы - 4 тонна, картоп - 15 тонна, қырыққабат - 5 тонна, қияр - 1 тонна, қызанақ - 1 тонна және басқа да өнімдер сатылды, - деп жазды өңір басшысының орынбасары.
Асайын Байхановтың айтуынша, жәрмеңке ауыл шаруашылығы өнімдерінің бағасын тұрақтандырып қана қоймай, павлодарлықтарды табиғи, экологиялық таза және жаңадан әкелінген азық-түлікпен қамтамасыз етеді.
Еске салайық, бұған дейін 26, 27, 30, 31 желтоқсан күндері Павлодар облысының 3 қаласында ауқымды ауыл шаруашылығы жәрмеңкесі өтетінін хабарланған болатын.