Дәрігерлердің дерегі бойынша, ұшқыш жансақтау бөліміне түскен. Бүгінгі таңда оның жағдайы тұрақты деп бағаланып отыр.
— Науқас жансақтау және қарқынды терапия бөлімінде қажетті ем-дом қабылдап жатыр. Шұғыл хирургиялық емдеуді қажет етпейді, — деп хабарлады облыс орталығындағы № 1 қалалық ауруханадан.
Еске сала кетейік, 27 мамыр күні таңертеңгі уақытта Павлодар облысының Железинка ауылына таяу маңда Ан-2 ұшағы апатқа ұшырады. Оқыс оқиға салдарынан бір адам қаза тапты.
Ал зардап шеккен ұшқыш оқиға орнынан Павлодар қаласына авиабортпен жеткізілген болатын.