АСТАНА. ҚазАқпарат – Павлодар қаласының маслихаты шаһарға сапарлап келетін шетелдіктерден алынатын туристік жарна мөлшерін бекітуді ұсынды, деп хабарлайды ҚазАқпарат тілшісі.
«Шетелдіктер үшін туристерді орналастыру орындарындағы туристік жарна мөлшері 2023 жылғы қазан-желтоқсанда әрбір тәулік үшін айлық есептік көрсеткіштің 0,5 мөлшерінде (1 725 теңге) бекітілсін», - делінген Ашық НҚА порталында жарияланған Павлодар қалалық мәслихаты төрағасының шешім-жобасында.
Құжат 21 қыркүйекке дейін көпшілік талқылауда болады.
Қоса кетсек, таяуда Астана, Алматы мен Қарағанды қалаларында да шетелдіктер үшін туристік төлем енгізу ұсынылған болатын.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.