08:56, 10 Сәуір 2024

Павлодарлық Ертіс клубы Екінші лигадағы ойынын ірі жеңіспен бастады

ПАВЛОДАР. KAZINFORM - Араға төрт жыл салып жанкүйерлеріне қайта оралған 'Ертіс' Екінші лигадағы фавориттердің бірі саналып отыр. Команда алғашқы кездесуінде қостанайлық 'Тобылды' 6:0 есебімен ұтты.

Фото: Ольга Бугаева

Бұған дейін хабарлағанымыздай, павлодарлық «Ертіс» футбол клубы екінші лигада ойнайтын болды.

Фото: Ольга Бугаева

Үлкен футбол Павлодарда қайта жаңғырды. Екінші лигада доп тебетін "Ертіс" клубы алғашқы кездесуін өз алаңында өткізіп, "Тобылмен" ойнады.

Фото: Ольга Бугаева

Көк жейделілер қостанайлық команданың қақпасына жауапсыз 6 гол соқты.

Артём Попов хет-трик жасаса, Руслан Есімов қақпада екі бірдей допты тулатты. Ал Айхан Ержанов биылғы маусымдағы алғашқы добын соқты.

Павлодар облысы Спорт Футбол
Мұрат Аяған
С.Торайғыров атындағы ПМУ-дің түлегі. Еңбек жолын Павлодар облыстық «Saryarqa samaly» газетінде бастады. 2024 жылдың қаңтар айынан «Kazinform» халықаралық агенттігінің Павлодар облысындағы меншікті тілшісі.