Павлодарлық бойжеткен ауладан автокөлікті ұрлап мініп кеткен
14:51, 02 Қараша 2016
ПАВЛОДАР. ҚазАқпарат - Павлодар полициясына үй ауласынан «Мазда- 626» көлігінің ұрланғаны туралы хабарлама келіп түсті, деп хабарлайды ҚазАқпарат тілшісі.
Полиция «ұстау» жоспарын құрды және аз уақытта патрульді полиция ұрланған автокөлікті тапты. Оның рөлінде 21 жастағы Павлодар тұрғыны болған. Полицияның анықтауынша, бойжеткен ауладағы көлікті көріп, ұрлап әкетуді ойластырған. Кеш батқан соң, жолаушылар есігін бұрауышпен ашып, қозғалтқышын іске қосып, айдап әкеткен. Күдікті бұрын істі болған, еш жерде жұмыс істемейді. Аталған факт бойынша ҚР ҚК 200-бабы, 1-бөлімі («Автокөлікті жымқыру мақсатынсыз айдап кету») бойынша сотқа дейінгі тергеу жүріп жатыр. Күдікті екі жылға бас бостандығынан айырылуы мүмкін.