Павлодарлық полицейлер «Құқық тәртібі» операциясын қорытындылады
12:59, 26 Желтоқсан 2009
ПАВЛОДАР. Желтоқсанның 26-сы. ҚазАқпарат /Вера Ливинцова/ - Желтоқсанның 22-24-і аралығында өткен «Құқық тәртібі» операциясы кезінде павлодарлық полицейлер бұрын жасалған 30 қылмыстың бетін ашты, деп хабарлайды Ішкі істер департаментінің баспасөз қызметінен.
Заңсыз сақталып келген 17 бірлік қару және оқ-дәрілер тәркіленді, ұрланған екі көлік табылды. Азаматтық қару-жарақтардың 7 мың жеке иесін тексеру барысында 94 заңбұзушылық анықталды. Алкоголик, нашақор және отбасы шырқын бұзушы 560 адам есепке қойылды.
Полицейлер сондай-ақ, қоғамдық жерлерде ішімдік ішу және мас болып жүру, рульге мас болып отыру, Қазақстанның аумағында жүріп-тұру ережесін бұзу сияқты 860 әкімшілік заңбұзушылықты анықтады. 176 қаңғыбас пен қайыршы ұсталды.