Павлодарлық жасөспірімдер өз құқықтарын білуге ынталы

ПАВЛОДАР. Қазанның 2-сі. ҚазАқпарат /Николай Кузнецов/ - Павлодар облысында 293 орта мектептің 14 650 оқушысы Ішкі істер министрлігі мен Білім және ғылым министрлігі қазанның 30-ында бірлесіп өткізген «Кәмелетке толмағандардың арасындағы құқықбұзушылықтардың алдын алу және олардың құқықтарын қамтамасыз ету» тақырыбындағы интернет-конференцияға қатысты,

деп хабарлады облыстық ішкі істер департаментінің баспасөз орталығынан.

Департамент басшысының орынбасары полиция полковнигі Жанарбек Бақтыбаев оқушыларға ұлттық заңнамаға енгізіліп отырған жаңалықтар туралы әңгімеледі және павлодарлық №8 мектеп-лицейдің оқушыларының сауалдарына жауап берді.

Интернет-конференцияда балалар қойған өзекті сауалдардың ішінде ата-аналар мен балалардың арасындағы проблемаларға қатысты сұрақ болды: «Егер, баланың құқығын өз ата-анасы бұзса не істеу керек? Бала тәрбиелеу жұмысында ата-аналарды шектейтін заң бар ма?- дейді олар.

Павлодарлық оқушылар сондай-ақ, «Қандай ойындарды құмар ойындар деп атайды? Ересектер тарапынан зорлық жасалса, қайда барып шағымдану керек? Өткір-кесетін заттарға нелер жатады? Полиция қызметкерлері кәмелетке толмағандарды тінте алады ма?», - деген сауалдар қойды.

Полковник Бақтыбаев балалардың брлық сауалдарына нақты және түсінікті жауап берді.