Пенсильвания тұрғыны лотереядан Пикассоның картинасын ұтып алды

АСТАНА. 19 желтоқсан. ҚазАқпарат - АҚШ тұрғыны Пабло Пикассоның құны кем дегенде миллион еуро тұратын картинасы ойнатылған халықаралық қайырымдылық лотереясының жеңімпазы атанды,

деп хабарлайды Agence France-Presse.

Лотереяны Sotheby's бәссауда үйі өткізді. Әрқайсысының құны 100 еуро болатын 50 мың билетті сатып алған кез келген ниет білдіруші Пикассоның «Цилиндрдегі адам» (L'Homme au Gibus, 1914) картинасының ойнатылуына қатыса алды.

Лотереяны ұйымдастырушылар сәтті билеттің иесі өрт сөндіру құрылғысын орнату жөніндегі компанияда жұмыс істейтін Пенсильвания штатының 25 жастағы тұрғыны Джеффри Гонано екенін сәрсенбі күні, 18 желтоқсанда жариялады.