Пентагон Лос-Анджелестегі Ұлттық гвардияның бір бөлігін қайтарады
АСТАНА. KAZINFORM — АҚШ Қорғаныс министрлігі (Пентагон) Лос-Анджелесте заңсыз мигранттарды қолдаған наразылықтарды басу үшін жіберілген Ұлттық гвардияның бір бөлігін кері қайтару туралы бұйрық берді.
Пентагонның баспасөз хатшысы Шон Парнелл жазбаша мәлімдемесінде «міндет сәтті орындалғанына байланысты» Президент Дональд Трамптың бұйрығымен Лос-Анджелеске жіберілген шамамен 4 мың гвардиялықтың 2 мыңы тұрақты қызмет орындарына қайтарылатынын хабарлады.
АҚШ Қорғаныс министрі Пит Хегсет Ұлттық гвардия мен теңіз жаяу әскерлері аймақта Иммиграция және кеден полициясы (ICE) қызметкерлерінің қауіпсіздігін қамтамасыз ету үшін жіберілгенін мәлімдеді.
Лос-Анджелестегі ICE-ге қарсы наразылықтар
АҚШ-тың Лос-Анджелес қаласында заңсыз мигранттарды ұстап жатқан ICE-ге қолдау білдіретін наразылық шаралары кезінде көптеген адам ұсталды; кей кездері наразылар мен қауіпсіздік күштері арасында қақтығыстар да болды.
Президент Дональд Трамп жағдайды бақылауға алу үшін Ұлттық гвардияны Лос-Анджелеске жібергенін мәлімдеп, болған оқиғалар үшін жергілікті демократиялық билікті айыптады.
АҚШ Қорғаныс министрлігі Трамптың бұйрығымен аймаққа орналастыру үшін 4 мың Ұлттық гвардия сарбазын мобилизациялады, ал министр Хегсет «қиын жағдайларға байланысты» Лос-Анджелеске тәртіпті қамтамасыз ету үшін шамамен 700 теңіз жаяу әскерін қосымша жібергенін айтты.
Калифорния губернаторы Гэвин Ньюсом Трампты өкілетін асыра пайдаланды деп айыптап, президенттің Ұлттық гвардияны штат билігінің құзыры болғандықтан қолдануға араласқаны туралы айтты.
Бұдан бұрын Лос-Анжелестегі наразылықтар соңы жаппай тонауға, вандализм мен тұтқындауға ұласқанын жазғанбыз.