АСТАНА. ҚазАқпарат - Перудің Лима қаласы ауыр атлетикадан әлем чемпионатын өткізуден бас тартты, деп хабарлайды ҚазАқпарат тілшісі.
Ауыр атлетикадан 2018 жылғы әлем чемпионатын Лима қаласы қабылдауы тиіс болатын. Алайда, олар жарысты өткізуден бас тартты. Осыған байланысты Халықаралық ауыр атлетика федерациясы атқарушы кеңесі аталған доданы Түркменстан астанасы Ашхабадта өткізетінін мәлім етті.
ҚР Олимпиадалық комитеті таратқан мәліметке сүйенсек, біріншілік келесі жылдың 24 қарашасы мен 3 желтоқсаны аралығында өтеді деп жоспарланған.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.