Петропавлда әскери институтта алғаш рет айтыс өтті (ФОТО)
«Әскери оқу орнында әскери қызметшілердің айтысында әлемдік проблемадан бастап институтішілік мәселелерге дейін өзекті тақырыптар қозғалды. Олар қарсыласының әрекетіне қарай суырып салма айтыс үлгісін көрсетті», - деп хабарлады ЖОО баспасөз қызметінен. Аталған байқау институт тарихында алғаш рет өткізілуде. Көрермендерге - қолбасшылық, профессорлық-оқытушылық құрам, офицерлер, әскери қызметшілер, курсанттар мен сарбаздарға айтыс қатты ұнады, оны қолдау-қошеметтерінен-ақ бірден байқауға болды. Әділқазылар шешімімен үшінші орынды 2 курс курсанты Мейіржан Исаков, екінші орынды - үшінші курс студенті Ербол Ізім, бірінші орынды 4 курс курсанты Досжан Тоқтаров иеленді. Олар бағалы сыйлықтар алды, ал қалған қатысушылар грамота иеленді. Әділқазылар төрағасы мен мүшелері алғыс хаттармен марапатталды.