Петропавлда ертегілер көрмесі ашылды
20:42, 20 Қаңтар 2017
ПЕТРОПАВЛ. ҚазАқпарат - Петропавлдағы көрнекі мұражайда «Ертегілер елінде» атты шығармашылық көрме ашылды, деп хабарлайды «ҚазАқпарат» ХАА тілшісі.
Бұл жеке көрме емес, алайда оның идея авторы және ұйымдастырушысы интерьер және дизайн студиясының басшысы Олеся Гонтарь болып табылады.
Ол қолөнермен айналысады және түрлі техникаларды меңгеруде. Оның хоббиі өмірінің ажырамас бөлшегіне айналған. Ол ғаламторда өзі секілді Қазақстан мен Ресейдің түрлі өңірлеріндегі шеберлермен танысқан.
Қазіргі таңда көрмеде 15 түрлі техникамен жасалған ертегілер тақырыбындағы 100-ден астам жұмыстар ұсынылған.