Петропавлда көшеден әйелдің денесі табылды
15:28, 02 Наурыз 2024
ПЕТРОПАВЛ. KAZINFORM – Петропавлдағы Алтынсарин көшесінде бүгін 50 жастағы әйелдің денесі табылды.
СҚО полиция департаменті баспасөз қызметінің мәліметінше, 2 наурыз күні полицияға көшеде әйелдің денесі табылғандығы туралы хабарлама түскен. Өлген адамның кім екенін тәртіп сақшылары анықтады. Қазіргі уақытта өлімге не себеп болғанын анықтау үшін мүрде сот-медициналық сараптамаға жіберілді.
Қылмыстық іс қозғалып, сотқа дейінгі тергеу жүріп жатыр.
Басқа ақпарат тергеу мүддесіне сай айтылмады.