Петропавлда жоғалып кеткен жігіт бір аптадан бері табылмай жатыр
08:25, 14 Тамыз 2019
ПЕТРОПАВЛ. ҚазАқпарат – Петропавлдың криминалдық полиция бөлімі із-түзсіз жоғалып кеткен Руслан Моисеенконы іздеп жатыр, деп хабарлайды ҚазАқпарат тілшісі.
Солтүстік Қазақстаноблыстық полиция департаменті баспасөз қызметінің мәліметі бойынша, 27 жастағы жігітүйінен 6 тамыз күні кешкі сағат жетілер шамасында шығып кеткен. Оның қайдаекені қазірге дейін белгісіз.
Криминалистер жігіттіңбасты ерекшеліктерін айтып берді: Оның бойы 168-170 см, арық денелі, шашы қысқаақ сары, көзі көк. Алқызыл түсті футболка, көк шалбар, сұр түсті кроссовкикиген.
Полицейлер Р.Моисеенко туралы қандай да бір ақпарат білетіндердің 102 нөміріне хабар беруін сұрайды.