Облыстық полиция департаменті баспасөз қызметінің мәлімдеуінше, өңірге көрші облыстардан 200 полицей келген. Олар XV Қазақстан-Ресей өңіраралық ынтымақтастығы форумы кезінде қоғамдық тәртіпті сақтайды.
«Таяу облыстардың полиция күштерін жұмылдыру - ірі қоғамдық-саяси шараларды өткізу кезінде қоғамдық тәртіпті қамтамасыз етудің сыналған тәжірибесі», - дейді баспасөз қызметінің өкілдері.
Көліктер мен колонналарды алып жүру үшін қосымша автопатруль экипаждары да келді.
Полиция департаментінің ақпаратына сүйенсек, 9 қараша күні Петропавлдағы Жамбыл көшесінің форум өтетін бөлігі жабылады. Автокөліктер басқа көшелермен әдеттегідей қозғала береді.