АЛМАТЫ. ҚазАқпарат - Футболдан Польша ұлттық құрамасының ойыншысы Яцек Гуральский биыл Алматының «Қайрат» командасының намысын қорғайды, деп хабарлайды ҚазАқпарат тілшісі.
Яцек Гуральский 1992 жылдың 21 қыркүйегінде Польшаның Быдгощ қаласында дүниеге келген. Сол қаланың «Завиш» командасында тәлім алып, үлкен футболдағы алғашқы қадамын 2010 жылы сол клубта бастады. Одан кейінгі жылдарда сол елдің «Виктория» (Короново), «Висла» (Плоцк), «Ягеллония» командаларының жейдесін киді. Ал 2017 жылдан бері Болгарияның «Лудогорец» клубының намысын қорғады.
2016 жылдан бер Польша құрамасы сапында 13 ойынға қатысып, қарсылас қақпасына 1 гол соқты. Я. Гуральский 2018 жылы Ресейде өткен әлем чемпионатында өз құрамасы сапында ойын көрсетті.
«Қайрат» командасы Я. Гуральскиймен 3 жылға келісімшартқа қол қойды.
Бұдан бұрын «Қайраттың» жартылай қорғаушысы Бауыржан Исламханның «Зенитке» ауысуы мүмкін екенін хабарлаған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.