Полиция автобус қағып көз жұмған қостанайлықтың туыстарын іздеп жатыр

ҚОСТАНАЙ. ҚазАқпарат - Қостанай облысында полиция автобус қағып, қаза тапқан 58 жастағы Степан Волковтың туыстарын іздеп жатыр, деп хабарлайды ҚазАқпарат облыстық полиция департаментінің баспасөз қызметіне сілтеме жасап.

«Қостанайда жол апатында жаяу жүргінші, 1960 жылы туған Степан Волков қаза тапты. Қайғылы оқиға 5 қараша күні Алтынсарин көшесінде болды.  Қостанай ПБ Солтүстік бөлімшесінде ер адамның аты-жөні анықталғанын, бірақ қазіргі кезде полицейлер оның туыстарын іздеп жатқанын мәлім етті», -   делінген хабарламада.

Полиция мәліметінше, Степан Волков 1960 жылы 20 қаңтарда Беларусь елінің Витебск облысында дүниеге келген. Қостанай облысының Черниговка кентінде тұрған.

Еске сала кетейік, 5 қараша күні Қостанайда автобус жүргізушісі ер адамды қағып кетті.