Жаңа жүйені пилоттық режімде сынайды. Осакаровтықтар еліміз бойынша бірінші болып оның артықшылықтарын бағалай алады. Оның мақсаты - көрсетілетін мемлекеттік қызметтердің сапасын жоғарылату болып табылады. ҚР ІІМ және «Азаматтарға арналған үкімет» коммерциялық емес акционерлік қоғамның шешімі бойынша әкімшілік полицияның ауданаралық және аудандық тіркеу-емтихан пункттері (ТЭП) кезең-кезеңмен Халыққа қызмет көрсету орталықтарына ауыстырылады.
- Аталмыш жаңашылдық жүргізушілер куәлігін ауыстыру және көлікті тіркеу рәсімдерін анағұрлым жеңілдетеді. Оларға облыс орталығында орналасқан арнайы ХҚКО немесе ішкі істер органдарына барудың қажеті болмайды. Алайда жоба алғаш рет жүргізуші куәлігін беру қызметін қарастырмайды, - деп түсіндірді Қарағанды облысы бойынша ХҚКО департаментінің директоры Өркен Қауымбекова.
Жақын арада «Азаматтарға арналған үкімет» мемлекеттік корпорациясының 9 аймақтағы тағы 21 фронт-кеңселері осы жобаға жұмылдырылады.
Қазақстанда 2012 жылдан бастап жүргізуші куәліктерін беру және көлікті «бір терезе» қағидасы бойынша азаматтарға мемлекеттік қызмет көрсететін мамандандырылған ХҚКО жұмыс істейді.