ҚЫЗЫЛОРДА. ҚазАқпарат – Өзін полиция қызметкері ретінде таныстырған алаяқ Қызылорда тұрғынының ұялы телефонын иемденген, деп хабарлайды ҚазАқпарат тілшісі.
Қызылорда қалалық Полиция басқармасына алаяқтан зардап шеккен қала тұрғыны арызданды. Айтуынша, түнгі уақытта қаланың орталық көшелерінің бірінде оған белгісіз бір азамат өзін полиция қызметкері ретінде таныстырған. Одан кейін ол азаматтың «Samsung Galaxy A10» маркалы ұялы телефонын алдап алған.
«Полицейлердің жедел шарасы нәтижесінде көп ұзамай күдікті ұсталды. Ол – бұрын сотты болған 23 жастағы облыс тұрғыны. Күдіктіге қатысты «ешқайда кетпеу және тиісті мінез-құлық туралы қолхат» түрінде бұлтартпау шарасы қолданылды. Қазіргі уақытта ҚР Қылмыстық кодексінің 190-бабының 2-бөлігі бойынша сотқа дейінгі тергеп-тексеру амалдары жүргізілуде. Онда алаяқтық жағдайы көрсетілген», - деп мәлім етті Қызылорда облыстық Полиция департаментінің баспасөз қызметі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.