Аталмыш Жамбыл облысының тұрғыны қылмысты алдын ала жоспарлап, кез келген өтіп бара жатқан адамдардан қоңырау шалу үшін ұялы телефондарын сұрап алып, содан кейін бой тасалап отырған. Ол ұрлаған ұялы телефондарды ірі қалалардың базарларында сатып, ақшаны өз қажеттілігіне жұмсаған.
Бүгінгі таңда полицейлер күдіктінің Түркістан облысында жасалған 10 алаяқтық қылмысы мен 1 автокөлік ұрлау фактісіне қатысы бар екенін дәлелдеді.
Сонымен қатар ер адамға Қызылорда облысында ұрлық жасағаны үшін іздеу жарияланған. Сондай-ақ «ұрлық» пен «алаяқтық» баптары бойынша Қазақстанның 3 мегаполисі мен 5 облысында жасалған 22 қылмысқа қатысы бары анықталды.
Қазіргі уақытта күдікті қамауға алынды. Оның басқа осыған ұқсас ашылмаған қылмыстарға қатыстылығы тексеріліп жатыр. Сотқа дейінгі тергеу амалдары жүргізіліп, оқиғаның толық мән-жайы анықталуда.