АСТАНА. KAZINFORM — Қазақстандық, әлемнің 257-ракеткасы Денис Евсеев Оэйраш (Португалия) челленджер турниріне жолдама алды.
Қазақстандық теннисші іріктеу сайыстарының финалында әлемнің 270-ракеткасы, мажарстандық Жомбор Пирошпен кездесуі тиіс болатын.
Алайда Ж.Пирош матчқа келмей қалды да, Д.Евсеев ойнамастан негізгі турнирге өтті.
Д.Евсеевтің негізгі жарыстағы қарсыласы кейін анықталады.
Сондай-ақ тағы бір қазақстандық, әлемнің 167-ракеткасы Михаил Кукушкин алғашқы айналымда рейтингіде 200-орындағы италиялық Маттео Гигантемен шеберлік байқасады.
Еске сала кетейік, бұдан бұрын теннистен әлем чемпионатында Қазақстан жасөспірімдер құрамасының іріктеу жарысын екінші орынмен түйіндегенін жазған болатынбыз.
Сондай-ақ қазақстандық теннисшілердің әлемдік рейтингідегі орны анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).