«Португалия премьері кабинетіндегі негізгі министрлердің бірі комиссияның қорытындысы бойынша оның университеттік дипломының заңды емес екені анықталғаннан соң өзінің лауазымын босатуға мәжбүр болды»,-деп жазады РБК.
Таратылған мәліметтерге қарағанда, алты жыл бұрын М. Релваш лиссабондық университетте 1 жыл оқып, саясаттану бойынша ғылыми дәреже алған көрінеді. Ол диплом алу үшін өзінің қызметтік жағдайын пайдаланбағанын алға тартуда.
Жергілікті БАҚ-тардың жазуынша, саясаткердің осы жолы қызметтен кетуі жақында барша кабинеттің оставкасы болатынын меңзейді. Елде тұрақсыз саяси ахуал байқалуда. Халықтың үкіметке деген сенімінің деңгейі айтарлықтай жоғары емес.