АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 8-турында «Жетісу» «Оқжетпесті» жеңді , деп хабарлайды ҚазАқпарат тілшісі.
Командалар турнир кестесінің ортаңғы бөлігінде келеді. Жағдайды жақсарту үшін екеуіне де үш ұпай қажет екені белгілі.
Ойын барысында командалар бір-бірінің қақпасы маңында жиі бой көрсетті.
Кездесу тағдырын 95-минутта талдықорғандық клубтан Йован Стоянович соққан жалғыз гол шешті.
Осылайша «Жетісу» қарсыласынан 1:0 есебімен басым түсті.
Енді «Каспий» (Ақтау) мен «Атырау», «Шахтер» (Қарағанды) мен «Қызылжар» (Петропавл) командалары ойнайды.
Еске салсақ, 6 мамырда «Тобыл» өз алаңында «Қайратқа» 2:3 есебімен жол берсе, «Астана» елордада «Мақтаралдан» 2:0, «Ақтөбе» «Ақсудан» 2:1, «Ордабасы» «Қайсардан» 4:0 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.