АСТАНА. 22 ақпан. ҚазАқпарат /Руслан Ғаббасов/ - Бүгін Үкімет отырысында Премьер-Министр Кәрім Мәсімов Ауыл шаруашылығы мен Мұнай және газ министрліктеріне көктемгі егіс науқанына дайындық мәселесін қарастыруды жүктеді.
Үкімет басшысының сөзіне қарағанда, жанар-жағармаймен қамтамасыз ету және оның бағасына қатысты мәселелерді қарау қажет. Осы орайда К. Мәсімов астықты өңірлердің әкімдерімен, сондай-ақ кәсіпорындардың басшыларымен тиісті шараларды зерделеуді тапсырды.
Мұнымен қоса Үкімет отырысында Премьер-Министр құрылыс материалдары мен дәрі-дәрмек бағасын қадағалауды, ал бюджеттік бағдарламалар әкімшілеріне бюджет ресурстарының орындалуын қатаң бақылауды жүктеді.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.