«Індет аясында этносаралық қарым-қатынас кейінгі жоспарға сырылып отыр. Бірақ, бұл алдамшы тыныштық қана. Көктемгі егістік маусымы басталуын ескерсек, жер мәселесіне, суаратын суды бөлу мен пайдалануға байланысты жанжалдар орын алуы ықтимал. Мұндай алғышарттардың барлығын жедел хабарлап отыруды тапсырамын», - деді Қасым-Жомарт Тоқаев.
Осы ретте Мемлекет басшысы ҚР Ұлттық қауіпсіздік комитеті, Бас прокуратура, Ақпарат және қоғамдық даму министрлігі әлеуметтік желілердегі қоғамдық көңіл-күйге мониторинг жүргізуді қамтамасыз етуге тиісті екендігін баса айтты.