Қасым-Жомарт Тоқаев Эстония Президентін Тәуелсіздік күнімен құттықтады

АСТАНА. KAZINFORM — Мемлекет басшысы Эстония Президентін Тәуелсіздік күнімен құттықтады . Бұл туралы Ақорданың баспасөз қызметі хабарлады. 

Президент құттықтау жеделхатында Алар Каристің былтыр Қазақстанға жасаған мемлекеттік сапары өзара ынтымақтастықты дамытуға тың серпін беріп, екі ел арасындағы саяси, сауда-экономикалық және мәдени-гуманитарлық байланысты нығайтуға ықпал еткеніне тоқталған.

Қасым-Жомарт Тоқаев Алар Каристің жауапты мемлекеттік қызметіне толайым табыс, ал достас эстон халқына бақ-береке тіледі.

Айта кетелік Президент Орталық референдум комиссиясының төрағасы Нұрлан Әбдіровті қабылдаған еді.