Мемлекет басшысы Испания халқының бірлігін, бай мұрасы мен ұлттық рухын айшықтайтын мейрамның тарихи маңызына тоқталды.
— Испания саяси және әлеуметтік-экономикалық дамуда зор жетістікке қол жеткізген ел ретінде халықаралық қоғамдастықта лайықты орынға ие. Еліңіз өркендеу жолында алға қарай нық қадам баса беретініне сенімім кәміл, — деп жазылған жеделхатта.
Президент берік достық пен өзара сенімге негізделген қазақ-испан қарым-қатынасының қарқынды дамып келе жатқанын атап өтіп, сан қырлы ынтымақтастықтың одан әрі нығая түсетініне сенім білдірді.
Қасым-Жомарт Тоқаев Корольдің мемлекеттік қызметіне табыс, ал испан халқына бақ-береке тіледі.
Бұған дейін Тоқаев Корея Республикасының Ұлттық күніне орай Президент Ли Чжэ Мёңге құттықтау жеделхатын жолдағанын жазған едік.