НҰР-СҰЛТАН. ҚазАқпарат - ҚР Президенті кубогына арналған футболдан жасөспірімдер арасындағы халықаралық турнирде 17 жасқа дейінгі Қазақстан құрамасы чемпион атанды, деп хабарлайды ҚазАқпарат тілшісі.
Біздің жас өрендер финалда Тәжікстан құрамасымен кездесіп, қазақстандық футболшылар 3:0 есебімен жеңіске жетті.
Бұдан бұрын үшінші орын үшін сайыста Литва құрамасы біздің 16 жасқа дейінгі жасөспірімдерді 3:2 есебімен тізе бүктірген болатын. Ал 5-орын үшін сайыста Армения Қырғызстаннан 2:1 есебімен басым түсті.
Халықаралық турнир 2008 жылдан бері тұрақты түрде өткізіліп келеді. Еліміздің 17 жасқа дейінгі құрамасы екі мәрте чемпион атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.