АСТАНА. KAZINFORM — Ақордада Президент Қасым-Жомарт Тоқаев Сингапурдың Аға министрі Ли Сянь Лунмен кездескені белгілі. Мемлекет басшысы мәртебелі мейманды I дәрежелі «Достық» орденімен марапаттады. Бұл туралы Ақорданың баспасөз қызметі мәлім етті.
— Қасым-Жомарт Тоқаев екі ел арасындағы жан-жақты ынтымақтастықтың дамуына қосқан елеулі үлесі үшін Ли Сянь Лунды I дәрежелі «Достық» орденімен марапаттады, — делінген хабарламада.
Айта кетейік, Мемлекет басшысы Ли Сянь Лунның Қазақстанға алғашқы сапарын тарихи оқиғаға балады.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)