Президент Үштөбе қаласында орналасқан Кемел Тоқаев атындағы орта мектепке барды
12:53, 13 Желтоқсан 2024
ТАЛДЫҚОРҒАН. KAZINFORM — Мемлекет басшысы Үштөбе қаласында орналасқан Кемел Тоқаев атындағы орта мектепке барды.
Қасым-Жомарт Тоқаевқа мектеп директоры Ләззат Испанова оқушылардың жетістіктері туралы айтып, жазушы мұражайымен таныстырды. 1997 жылы құрылған музейге қаламгердің тұтынған заттары, фотосуреттері, құжаттары мен кітаптары қойылған.
Президентке жазушының өмірі мен шығармашылығына арналған зияткерлік ойын және повестерінің желісі бойынша шағын қойылым көрсетілді.
Мемлекет басшысына «Кемел Тоқаев атындағы қайырымдылық қоры» атқарған жұмыстар жөнінде баяндалды.
Айта кетейік, биыл Қордың құрылғанына 15 жыл толып отыр.